/
/
يمرّوني ... مثل ريحة هَلِي .. وأتلحّف عيوني
أخاف إن فتّحت عيني .. يفز الشوق من عيني
وأنا ما أحتمل خيــبة عــزيزيــني على ظنوني
وهُم أدري بهم ما يصبرون إن ما عرفوا ويني
حبايب .. كل ما يطري لقاهم .. ينخطف لوني
وأروح أركض على طاري لقاهم وأفرد إيديني
ويتساقط على بالي حطبهم .. وأحترق .. دوني
وأشم أنفاسهم وأطفي لهب هالبال في حيني
أبعثرهم .. حسب خبري بهم .. لا شاغلوا هوني
وأرتّبهم .. سُحُب صدري لهم .. لا بلّلوا طيني
أنافسهم ..... على حبي لهم .... لو ما يحبوني
واسلّمهم .. رضا نفسي بهم .. لو شانت سنيني
جفاهم .... ما ينسّيني غلاهم .... لو تناسوني
واذا كان الجفى فيهم ....... انا كل الوفا فيني
أبتعذّر .... إلين انفي خطاهم .... لو يلوموني
أبتساهل ... إلين أطفي غرور أصغرهم .. بليني
أنا بيني وبيني عشت عاقل ( عاقل ) جنوني
على نفسي .. وعاش جنون عقلي بيني وبيني
تزاحم بي سلام اللي لفاهم .... وأزبن سكوني
عسى لا من درى عني بضيقي مرّه .... يجيني
رفضت اغتابهم .. لو هم مع ظلّي .. يذمّوني
وجيت أغتابهم .. لو هو بعمري يوم .. يرضيني
يمرّوني مثل دمعة هَلِي وأستسمح عيوني
أخاف إن ما حشمت دموع عيني طحت من عيني
/
/
لشآعرهآ : عوض نفاع
م/ ن
أنت غير مسجل في في الهجير . للتسجيل الرجاء إضغط هنـا 
الإهداءات
المواضيع المتشابهه 
( حَبآايب ) كَلّ مآايطرِيْ لِقَآاهم , يِنخَطفْ لُونِيْ 
لعلّـه مِـن عجآئـِبْ الحيـآة ، أنَّـك إذآ رٍفَـضـت كُـل مآ هُـو دوٍن مستَـوٍى القمّـة ، فإنَّـك دآئمـاً تصِـل إليـها 
العرض العادي
