بعض قصائد الشاعر حامد زيد

عافت الشمس
عافت الشمس المدينة وأعلنت وقـت الـزوال
رغبـةٍ للنـوم منهـا مـع عيـون الناعسيـن
أبعدت من يوم شافـت بالسمـا ضـيّ الهـلال
كنّهـا كانـت تـهـزّا بالـهـلال وتستهـيـن
كفكفت صبح التلاقي مـن ورا روس الجبـال
واستخارتني وراحت وابعدت عـن كـل عيـن
وانتي أخطيتي خطاهـا وانعزلتـي بالوصـال
ولا رحلتي من سكـات ولا وعدتينـي تجيـن
عشت عمري بالمحبـة فـي سبيـل الاحتمـال
وانتي تعيشيـن عمـرك تفرحيـن وتجرحيـن
من غرورك في جمالك مـا عطيتينـي مجـال
وأدري إنـك تفهمينـي لـو بغيتـي تفهمـيـن
كيف أشوف الشمس تشرق بالسما وانت ظلال ؟
ومن يعيش بوسط غـارٍ للذيـاب الجايعيـن ؟
كنت أحسب الكره زايل والجفا لـو طـال زال
ولا بديتـي بالغـرام ولا بقـى فينـي حنيـن
أشهد إني مـا خطيـت ولا نويـت الانعـزال
وما خدعتك في غرامي ليـن شفتـك تخدعيـن
اصدقي بالوعد مـرة لـي ولـو فيهـا سـؤال
من عرفتك ما أذكر إنـك توعديـن وتصدقيـن
كنت أشوفك من عيونك تأمرين أقوى الرجـال
والله إني قبل أعرفـك مـا هقيتـك تخضعيـن
كنت أشوفك تبعدين وقلت مـن بـاب الـدلال
وإن بعدتي عن عيوني قلـت باكـر ترجعيـن
كنتي أكثر في عيوني من عـدد وبـل الخيـال
وين أنا ما الد وجهي كنت أشوفـك تضحكيـن
وإن بغيت أصد عنك من يميـن ومـن شمـال
ما قـوت عينـي تلفّـت لا شمـال ولا يميـن
عاشقٍ والعشق بلوى وأشهـد إن الحـال حـال
ولا تركتي رحمـة الله ولا عرفتـي ترحميـن
وأدري إنك في غرامي للأسـف نلتـي منـال
افترقنـا فـي دقايـق والسبـب لعنـة لعيـن
حبك أشبه في غرامـي بالوصـال الانفصـال
ويلعـب الخفـاق لعبـة كبريـاء الخاضعيـن
بالهوى ماهـي غريبـة نكبـة عيـال الحـلال
ولاني أول من يصون ولا انتي آخر من يهيـن
الصداقة فـي عيـون النـاس منفـى للعـدال
وكـان ردّت للصراحـة كلبـونـا مذنبـيـن
المحبـة شبـه زالـت والصداقـة لاتــزال
بس أببقى في عيونك ( حامد ) اللـي تعرفيـن
علّميهـا يـا قصيـدة واضربـي فينـي مثـال
عرفيهـا بالبـداوة فــي طـبـاع الأولـيـن
علّميهـا كيـف نصنـع صبرنـا والاحتـمـال
علّميهـا كيـف نفلـح بالعمـل دنيـا وديــن
علّميهـا فـي سوالـف حلّـنـا والارتـحـال
علّميهـا كيـف نظهـر جـورنـا للجايـريـن
علّميهـا يـا دقايـق ، علّميهـا يــا لـيـال
علّميهـا يـا عصـور وعلّميهـا يـا سنـيـن
إن عشقنـا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن
كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن
ابـدويٍ مـا يقـوده للـردّى شـد الحـبـال
يعسـف اليـدّ الشحيحـة للعطـا حتـى تليـن
همنا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن
عندك المكياج موضـة تحسبيـن إنـه جمـال
صار همك فـي حياتـك تكشخيـن وتطلعيـن
والا أنا قلبي بقـى لـي بالمحبـة راس مـال
والله اللـي مبتلينـي بالـهـوى والله يعـيـن
إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن
قلت لك كل الصراحة وأختم أطـراف الجـدال
وإن زعلتي مـن كلامـي تزعليـن وتقعديـن
الأم
قصيدتي زاد بعيوني جمالها
واخذت أنقي بالمعاني جزا لها
واكتب معانيها من الشوق والغلا
لأمي وأنا اصغر شاعر ٍمن عيالها
كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه مجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلةهلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها
الريم
واعيني اللي كل ماذعذع من الغربي هبوب
يحلى لها لون الغروب اللي يذوب قبالها
وياويل حالي كل مايحلى لها لون الغروب
تطري لي الريم اللعوب وسالفة ترحالها
وياجرقلبي كل ماتطري لي الريم اللعوب
حرمت أمد إيدي على حاجه وانامااقوا لها
من سافرت ريم الغلا صديت عن كل الدروب
ماهو قصور بالعذارى بس ذيك لحالها
من فارقتني ماخطف قلبي من الحور محبوب
ولا لقيت الجادل اللي تستحق احيالها
لأن القلوب ان ماوفت لحبابها ماهي قلوب
والعشره اللي ماترد الروح مانسعى لها
اما الوفا اللي يستر الرجال من كل العيوب
والا الجفا اللي يستر عيوب العرب فرجالها
ماأقسى من فراق الجنوب الا فراق اهل الجنوب
ويلي على اللي كل ماتزعل تشد رحالها
اللي مذيرها العتب لاشبت بصدري شبوب
عيت اراضيها وأهي عيت تطول بالها
كانت معي مثل النصيب يحدني من كل صوب
كانت دروبي من متاهات الضلل لظلالها
كانت هروبي لاشعرت اني بحاجه للهروب
كانت سماي اللي لياضاقت علي ألجا لها
ليه تحداني وانافي كل الاحوال مغلوب
ليه حرمتني من قهرعذالي وعذالها
ليه اتجاهلني واناماني جبان ولاكذوب
ليه ارخصت دمعي وانا اللي مابكيت الا لها
ماترحم اللي له سنه كنه على النار محطوب
ماهزها دمع الفقيد اللي بكته اطلالها
ماخافت تهدم سنين اللي بنتنا طوب طوب
مافكرت تشفق على حالي وترحم حالها
قولها لوماتذوب انا بخليها تذوب
قولها لوماعنت لي مستعد اعنى لها
اليا دمحت لي هالخطا بدمح لهاكل الذنوب
وان جابت الحسنه معي تبشربعشرامثالها
افرش لهاصدري وطن واجمع من ضلوعي شعوب
وارقى لها مكانة محد قدر يرقى لها
ان كاني مخطي فأناماني خلي من العيوب
الذنب يغفروالبشر تجزا بقدر اعمالها
البعد قاسي والفراق يضيق الصدرالرحوب
واناتعبت ادور الحيله وارد احتالها
قولولها ترجع ترى ماني على البعد مغصوب
والا ترى نذر علي انه مهوب اشوا لها
اماتجنب هالهبال وتترك البعد وتتوب
والا بتبشر بالهبال اللي مهوب هبالها
كافي زعل ترى الظروف مقفله من كل صوب
واناحملت من الهموم انواعها واشكالها
يكفيني اني كل ماهبت على صدري هبوب
تحن عيني للجنوب وتلتفت بلحالها
والمشكله اني كل ماحنت عيوني للجنوب
تطري لي الريم اللعوب وسالفة ترحالها
وعزالله اني كل ماتطري لي الريم اللعوب
حرمت امد ايدي على حاجه وانا ما اقوا لها........؟

************

ودي واحساسي