أخبي الشعر عن عينه أخاف إنه يجي يقراهـ
أخاف أكدر إحساسه بحزنٍ يكسي إحساسي
دفنت الحزن في قبر الضلوع اللي بكت فرقاه
وأجر الآه بحروف بكت في صدر كراسي
دموع الشعر ،حرمان المعاني ، همهمات ، وآهـ
جمر هجر، ودموع فراق في حبري وقرطاسي
أنا بعت الخلايق كلها والناس لجل رضاهـ
لأنه كان لي ربعي وأهلي وديرتي وناسي
أحبه والله الشاهد وهذا البعد ما أقواهـ
أكابر وأتظاهر بالصبر لين إنكسر باسي
أنا من لي بعد عينه ؟ أنا ما أبغي سوى دنياهـ
أبيه بسيف وصله يطعن همومي وهوجاسي
بكى في داخلي طفل بحبه والوفا رباهـ
أنا وهذا الطفل عقبه يتامى واليتم قاسي
نسى قلب جعلته خاتم في خنصره (خلاهـ )؟
نسى حبي؟ نسى قربي؟ نسى اللهفه بأنفاسي ؟
نسى ذيك العيون اللي تموت بطلعة محياهـ ؟
نسى دافي عتابي والغرام الشامخ الراسي ؟
يقول القلب:لا تنساه وأقول: شلون بس أنساهـ !
أنا وشلون أبنسى من غرامه تاجٍ لراسي ؟
هذاك اللي أنا وإنته يا قلبي لي أمر طعناهـ
هذاك اللي بنظره من عيونه يورق يباسي
هذاك اللي تفز الروح ولهانه على طرياهـ
هذاك اللي بغيابه/ عن عيوني أبعد نعاسي
ياليته يرجع ويرحم خفوق ذاب من فرقاهـ
ياليته يرجع لقلبي ويحيي موت (إحساسي)
أنت غير مسجل في في الهجير . للتسجيل الرجاء إضغط هنـا 
الإهداءات
المواضيع المتشابهه 
دفنت الحزن في قبر الضلوع اللي بكت فرقاه 
لعلّـه مِـن عجآئـِبْ الحيـآة ، أنَّـك إذآ رٍفَـضـت كُـل مآ هُـو دوٍن مستَـوٍى القمّـة ، فإنَّـك دآئمـاً تصِـل إليـها 
العرض العادي
