جاني يرتجف .. يرتعش ..
يبي يتكلم .. بس مرتبش ..
قال .. آآآآه .. تعبت من الكفوف ..
من كثرها في دنيتي .. صارت سفوف ..
قبلنا قالوا .. النوايا مطايا ..
وبهالزمن أباحوا .. سوء النوايا ..
لو جت من الغريب .. مو مشكلة .. أمشيها ..
لكن طعنة القريب .. بالله عليكم .. كيف أعديها ..!!..
قلت له .. وش فيك فهمني ..!!..
رتب كلامك بالأول .. وبعدين كلمني ..
كلام واضح .. وبلا ألغاز تمخولني ..
قال .. المعذرة .. قلبي ما أضيقه ..
غصبٍ علي حروفي لا قلتها .. متصفقه ..
كل حرف عن خويه .. ضيع ملبقه ..
كن جوفي .. مع حروفي صندقه ..
من حر مابي .. اللهم ياكافي ..
دلني لصوابي .. ودرب العوافي ..
وإسمع ما عندي .. بوزن القوافي ..
يامن لقلب لاعته .. كثر الطواري
لا مر طاري جددت .. دنياه طواريها
كما يلوع .. صيد الفلا الضواري
من خوفها .. ما فلت جناحيها
من ردها لي .. ليه .؟. ماني داري .!.!.
يوم مازحتها .. قصدي أسليها
أعلنتها حرب .. بالسلاح والصواري
ووصفتني بأوصاف .. ما ودي أسميها
رغم إنها تعرف طبعي .. وتعرف إطاري
وتعرفني أعزها .. وبقدرها معليها
لكن ياقلبي تصبر .. ولاتغير مساري
وخلك للعلوم الطيبه .. شاريها
وعدي الطواري .. ولا تواري المواري
يمكن في يوم تمد .. بالعذر إيديها
وعيش دنيتك .. حر بهالبراري
وردد أشعارك .. دندنها وغنيها
آه يازمن .. حسن الظن منك عاري
غداره يادنيا .. ما تآمن لياليها
قلت له .. ياعمي عديها ..
أنت غير مسجل في في الهجير . للتسجيل الرجاء إضغط هنـا 
الإهداءات
المواضيع المتشابهه 
آه يازمن .. حسن الظن منك عاري 
لعلّـه مِـن عجآئـِبْ الحيـآة ، أنَّـك إذآ رٍفَـضـت كُـل مآ هُـو دوٍن مستَـوٍى القمّـة ، فإنَّـك دآئمـاً تصِـل إليـها 
العرض العادي
